पूर्णेत घरफोडी;साडेतीन लाखांचा मुद्देमाल पळवला

शहरातील अलीनगर भागातील घटना;नागरिकांत भिंतीचे वातावरण;गस्त वाढवण्याची मागणी

पूर्णा(प्रतिनिधी)

शहरातील अलीनगर भागात अज्ञात चोरट्यांनी एका किराणा दुकान चालकाचे चॅनलगेट चे कुलुप तोडुन  घरात घुसून २६ ग्रॅम सोन्याचे तर १० तोळे चांदिचे दागिने व रोख १८ हजार रुपयांची रोकड पळवल्याची घटना ता.२५ मे रोज रविवारी घडल्याचे उघडकीस आले असून, चोरी झालेल्या दागीन्यांचे बाजार मुल्य सुमारे साडेतीन लक्ष रुपये असल्याचे समजते. घटनेने  परिसरात एकच खळबळ उडाली आहे.पोलीसांनी शहरातील रात्र गस्त वाढवावी अशी मागणी होत आहे.

    पूर्णा शहरातील अली नगर भागात शेख निसार शेख जलाल हे आपल्या कुटुंबासह राहतात.त्यांच्या घरातच एका शटर मध्ये  ते किराणा व्यावसाय करतात .आपल्या ते परिवारासह राहतात.रविवारी दिवसभर व्यापार करुन ते रात्री ते आपल्या कुटुंबासह एका खोलीत झोपी गेले होते.सोमवारी (ता. २६) सकाळी झोपेतून जागे झाल्यावर त्यांना चोरी झाल्याचे लक्षात आले.कपाटातील २६ ग्राम सोन्याचे दागिने १० तोळे चांदीचे दागिने व अठरा हजार रुपये रोख चोरी गेल्याचे त्यांच्या निदर्शनास आले.चॅनलगेट चे कुलुप तोडुन चोरट्यांनी घरात येवुन प्रवेश केला. दरम्यान घटनास्थळी उपविभागीय पोलिस अधिकारी डॉ. समाधान पाटील पोलिस निरीक्षक विलास गोबाडे यांनी भेट दिली. परभणी येथून श्वान पथक व ठसे तज्ञ पथकास पाचारण करण्यात आले होते. याघरफोडी मुळे शहरात भीतीचे वातावरण निर्माण झाले आहे. याप्रकरणी पूर्णा पोलीस ठाण्यात घटनेची नोंद करण्यात आली असून,पुढील तपास करीत आहेत.

—————————————————-