शैक्षणिक शुल्कासाठी संस्थाचालक पती पत्नीने घेतला पालकाचा बळी

जगन्नाथ पांडुरंग हेंडगे (वय ४२) रा.उखळद ता.जि.परभणी असं त्या मयत किर्तनकार पालकाचे नाव आहे.जगन्नाथ हेंडगे यांनी आपल्या ९ वर्षांच्या ईयत्ता ३ रीत शिकणाऱ्या मुलीला झिरोफाटा येथिल बाळकृष्ण हायटेक निवासी शाळेत नुकताच प्रवेश घेतला होता.मात्र मुलगी आईवडिलांना सोडून रहात नसल्याने हेंडगे हे गुरुवारी १० जुलै रोजी सायं ५ वाजण्याच्या सुमारास त्यांचे नातेवाईक मुंजाजी हेंडगे यांच्या सह दुचाकीवरुन पूर्णा तालुक्यातील एरंडेश्वर शिवारातील झिरोफाटा परिसरातील बाळकृष्ण हायटेक निवासी शाळेत मुलींची टिसी घेऊन जाण्यासाठी आले होते.दरम्यान जगन्नाथ हेंडगे हे शाळेच्या आत मधील मुख्य कार्यालयात गेले.ते पंधरा ते विस मिनीटांनी कार्यालयातुन घाबरलेल्या अवस्थेत आरडा ओरह करत बाहेर पडत सोबत असलेल्या मुंजाजी यांना विचारल्यावर सांगितले की, मुलीची टिसी घेऊन जाण्यासाठी पुर्ण फिसची मागणी केली.मुलगीच शिकणार नाही तर फिस कशामुळे देऊ असे म्हणताच संस्था चालक प्रभाकर चव्हाण व त्यांचे हिंगोली जिल्हा परिषदेच्या माजी सभापती असलेल्या पत्नीनेही लाथाबुक्क्यांनी जबर मारहाण केली. दरम्यान त्याच वेळी त्यांचे पाठी मागुन पळत आलेल्या दोघांनी माझी उर्वरीत रक्कम दे असे म्हणत लाथा , बुक्की घातल्या व नाटक करु नको एक तर पैसे देत नाहीस, असे म्हणून याला येथुन घेवुन जा, असे मला म्हणून परत जगन्नाथ च्या गच्ची ला मारहाण करत खाली पाडले.त्यावेळी संस्थाचालक सर त्याचे पत्नी सोबत बाहेर येवून तुम्ही गेले नाही का, हा हारामखोर मला चावला असे म्हणुन येथुन निघुन जा नाही तर तुमच्यावर केस करतो असे म्हणून पांढ-या रंगाच्या कार मध्ये बसून निघुन गेले.घडलेला प्रकार रोडवरील लोकांनी पाहुन जखमी जगन्नाथ हेंडगे यांना एका अॅटो मध्ये रुग्णालयात उपचारासाठी परभणी कडे पाठविले. जगन्नाथ हेंडगे यांना चव्हाण व त्याची पत्नी यांनी अडमिशन घेते वेळी भरलेले पैश्याची मागणी केल्याने व उर्वरित पैसे न भरल्याचा राग मनात धरुन जोराची मारहाण केल्याने त्यास जबर मार लागुन तो जागीच बेशुध्द होवुन मी त्यास दवाखान्यात नेइ पर्यंत मरण पावला होता. अशी फिर्याद मयताचे नातेवाईक मुंजाजी रामराव हेंडगे यांनी पुर्णा पोलीसांना कळवला यावरुन पोलीसांनी बाळकृष्ण हायटेक निवासी शाळेचे संस्थाचालक प्रभाकर चव्हाण व त्यांच्या पत्नी यांच्या सह ईतरांवर मनुष्य वधाचा गुन्हा दाखल केला आहे.तपास उपविभागीय पोलिस अधिकारी डॉ समाधान पाटील यांच्या मार्गदर्शनाखाली पोलीस निरीक्षक विलास गोबाडे हे करत आहेत.