Summer Special; नांदेड-मुंबई १८ डब्ब्यांची विशेष रेल्वे धावणार

नांदेड रेल्वे विभागाकडून प्रवाशांची सोय; जनसंपर्क अधिकारी राजेश शिंदे यांची माहिती

पूर्णा(प्रतिनिधी)

उन्हाळी सुट्यात मुंबई कडे जाणाऱ्या प्रवाशांना नांदेड रेल्वे विभागाने मोठा दिलासा दिला असून, सुट्टीत रेल्वे गाड्यांना होणारी गर्दी,आरक्षीत तिकीटासाठी होणारी गैरसोय लक्षात घेत नांदेड-मुंबई(छत्रपती शिवाजी महाराज टर्मिनल्स) ही १८ डब्ब्यांची Summer Special विशेष रेल्वे आज ता.२४ में शनिवार पासून चालवण्याचा निर्णय घेतला असून हया गाडीच्या प्रायोगिक तत्त्वावर दोन फेऱ्या होणार असल्याची माहिती नांदेड रेल्वे विभागाचे जनसंपर्क अधिकारी राजेश शिंदे यांनी कळविले आहे.

नांदेड रेल्वे विभागातील परभणी, जालना, छत्रपती संभाजी नगर जिल्ह्यातून विकेंड साजरा करण्यासाठी मुंबई, पनवेल, आदीं महानगरात जाणाऱ्या प्रवाशांची संख्या लक्षणीय आहे.दरम्यान विभातुन दैनंदिन धावणा-या गाड्यांना मोठी गर्दी होते.त्यामुळे प्रवाशांची गैरसोय होऊ नये यासाठी नांदेड विभातुन ता.२४ रोजी नांदेड- मुंबई विशेष रेल्वे दोन फेऱ्यात चालवण्यात येणार आहे.रेल्वे विभागाने याबाबत गाडीचे वेळापत्रकही जाहीर केले आहे.