नांदेड रेल्वे व्यवस्थापकांची नांदेड-परळी रेल्वेमार्गाची झाडाझडती
रेल्वे स्थानके, लेव्हल क्राॅसिंग, रेल्वे गेट, लोहमार्गाच्या पहाणीसह पायाभूत सुविधांचा घेतला आढावा
पूर्णा/प्रतिनिधी
दक्षिण मध्य रेल्वेच्या नांदेड विभागाचे विभागीय रेल्वे व्यवस्थापक (DRM) श्री. प्रदीप कामले यांनी आज शुक्रवारी ता.९ रोजी विभागातील नांदेड ते परळी रेल्वेमार्गांवर तपासणी दौरा करत. या दौऱ्यात विविध पायाभूत सुविधांचा आढावा घेतला आणि भविष्यातील सुरक्षा व कार्यक्षमतेच्या दृष्टीने महत्त्वाच्या सूचना देण्यात आल्या.
नांदेड ते परळी दरम्यान रेल्वेमार्गावर तपासणी खिडकीतून सुरक्षेच्या दृष्टीने आवश्यक अशा विविध संरचना, वळणे, ब्रिजेस व सिग्नल यांची बारकाईने पाहणी करण्यात आली.
परभणी आणि गंगाखेड रेल्वे स्थानकांचा विकास अमृत भारत स्टेशन योजनेंतर्गत करण्यात येत आहे. या रेल्वे स्थानकावरील पुनर्विकास कार्याचा आढावा घेतला. आणि उपस्थित अधिकाऱ्यांना सूचना केल्या. परळी ते वडगाव निळा स्थानकांदरम्यान दरम्यान लेव्हल क्रॉसिंग गेट क्र.२४ अस) , गंगाखेड-पोखरणी नरसिम्हा स्थानकांदरम्यान पूल क्र. २८ आणि वडगाव निळा – गंगाखेड जवळील वळण क्र. १७ आणि गंगाखेड स्टेशनयार्ड आशा संरचनांची तपासणी करून त्यांची सध्याची स्थिती आणि देखभाल कार्यांची आवश्यकता अधोरेखित करण्यात आली.श्री प्रदीप कामले यांनी गंगाखेड रेल्वे स्टेशन येथील रिले रूम आणि स्टेशन विकास कार्याची पाहणी केली.तसेच वडगाव निळा रेल्वे स्थानकाची तपासणी केली ज्यात त्यांनी तेथील रिले रूम, ट्रेक्शन सब स्टेशन (TSS) यांची पाहणी केली.
या नंतर श्री प्रदीप कामळे यांनी परभणी रेल्वे स्थानकाची तपासणी केली. यात त्यांनी स्टेशन मास्तर कार्यालयाची तपासणी केली. प्रीमियम पार्किंग, स्टेशन विकास कार्य, प्रवासी सुविधा यांची पाहणी केली. या दौऱ्यात श्री पी. सी. रुद्र मूर्ति वरिष्ठ विभागीय अभियंता, श्री पी. सुरेश, वरिष्ठ विभागीय सिग्नल आणि टेलिकॉम अभियंता, श्री निमजे, उप मुख्य अभियंता/गतीशक्ती /नांदेड, श्री ए. रवी तेजा, वरिष्ठ विभागीय विद्युत अभियंता (टीआरएसओ), श्री सोभन बाबू, विभागीय विद्युत अभियंता/टीआरडी, श्री श्रीनिवास सूर्यवंशी, सहायक वाणिज्य अधिकारी , श्री गिरीश कुमार, सहायक सिग्नल आणि टेलिकॉम अभियंता हे विभागीय अधिकारी श्री प्रदीप कामले यांच्यासोबत उपस्थित होते.