ओंकार गायकवाड खून प्रकरणात ५ जणांना बेड्या

परभणी स्थानिक गुन्हा शाखा व ग्रामीण पोलिसांची संयुक्त कारवाई.

परभणी,ता.१७(प्रतिनिधी)परभणी तालुक्यातील संबर येथील ओंकार बन्सीधर गायकवाड यांच्या अपहरण व खून प्रकरणाचा परभणी पोलिसांच्या स्था.गु.शाखा व ग्रामीण पोलिसांनी संयुक्तरित्या कारवाई करत अवघ्या काही तासांत छडा लावत पाच जणांना बेड्या ठोकल्या आहेत.

          याबाबत अधिक माहिती अशी की,१२ जुलै रोजी रात्री परभणी तालुक्यातील मौजे संबर येथील मयत तरुण ओंकार गायकवाड यांचे अपहरण करण्यात आले होते.याबाबत परभणी ग्रामीण पोलीस ठाण्यात गु.र.नं.३०९/२५ भान्यासंनुसार कलम१४०(३),३५२(२)(३)(५),१०३(१) नुसार गुन्हा दाखल करण्यात आला होता. दुसर्‍या दिवशी, म्हणजे १३ जुलै रोजी सकाळी मोरेगाव शिवारात त्यांचा मृतदेह आढळून आला होता.या अपहरत तरुणाचा खून झाल्याचे उघडकीस येताच करुन पोलीस अधीक्षक रविंद्रसिंह परदेशी यांनी तात्काळ बैठक घेऊन गुन्ह्याचा तपास गतीने करण्याचे आदेश दिले.अप्पर पोलीस अधीक्षक यशवंत काळे यांच्या नेतृत्वाखाली स्थानिक गुन्हे शाखा आणि परभणी ग्रामीण पोलीस ठाण्याचे अधिकारी व कर्मचारी यांचे संयुक्त पथके तयार करुन रवाना करण्यात आली.स्था.गु.शाखा तसेच ग्रामीणच्या पोलीस ठाण्याच्या पोलिसांनी विशेष सापळा रचून भिमा उर्फ भिमाशंकर शामराव वैद्य ( वय २१ वर्षे, रा. बोबडे टाकळी), वैभव दिनकर खेडकर (वय २३ वर्षे, रा.शिराळा ता. सेलू) व माणिक उर्फ नितीन जिजा काळे उर्फ सदावर्ते (वय २२ वर्षे, बोबडे टाकळी) या तिघांना ताब्यात घेतले. तर स्थानिक गुन्हा शाखेच्या पथकाने हरीओम प्रभाकर मोहीते (वय २२ वर्षे, रा. खानापूर) व वेदांत मुंजाजी पारवे ( वय १९ वर्षे, रा.खानापूर) अशा एकूण पाच जणांना मोठ्या शिताफीने ताब्यात घेतले. ताब्यात घेतलेल्या आरोपींना परभणी ग्रामीण पोलीस ठाण्यात हजर करण्यात आले असून, पुढील तपास सुरु आहे.        

दरम्यान, या संपूर्ण कारवाईत पोलिस निरीक्षक विवेकानंद पाटील, सपोनि राजू मुत्येपोड,पोउपनि चंदनसिंह परिहार,पोलीस अंमलदार मधूकर चट्टे, सुग्रीव केंद्रे,निलेश भुजबळ,शरद सावंत, सिद्धेश्‍वर शिवणकर(स्थागुशा)तसेच पो.नि.श्रीकांत डोंगरे,पोउपनि संदीप गडदे, पो.अं.शंकर जाधव,देविदास डुकरे (परभणी ग्रामीण पो.स्टे)आणि सायबर पोलीस स्टेशनचे बालाजी रेड्डी,रजवी मुर्तिजा,सय्यद हिना,गणेश कौटकर यांनी महत्त्वाची भूमिका बजावली.