Parbhani ;१ ते १५ ऑगस्ट दरम्यान दुधभेसळ तपासणी मोहीम प्रशासनाकडून कारवाईचे संकेत..!

परभणी ता.३०(प्रतिनिधी)

परभणी जिल्ह्याचे पालक सचिव दीपक कपूर यांच्या दि. 28 रोजी झालेल्या आढावा बैठकीत दिलेल्या निर्देशानुसार, दूध व दुग्धजन्य पदार्थातील भेसळ रोखण्यासाठी (Parbhani Food and Drugs) जिल्हास्तरीय समितीची बैठक अपर जिल्हाधिकारी डॉ. प्रताप काळे यांच्या अध्यक्षतेखाली आज घेण्यात आली. बैठकीत निर्णय घेण्यात आला की, १ ते १५ ऑगस्ट दरम्यान जिल्ह्यात धडक तपासणी मोहीम राबविण्यात येईल.

यावेळी बैठकीस समिती सदस्य सचिव तथा जिल्हा दुग्धव्यवसाय विकास अधिकारी शिवाजी गिनगीने, समिती सदस्य तथा सहा. आयुक्त अन्न व औषध प्रशासन अनंत चौधरी, समिती सदस्य तथा उपआयुक्त पशुसंवर्धन केशव सांगळे, उपनियंत्रक वैधमापन तथा समिती सदस्य गंगाधर कांबळे उपस्थीत होते.आगामी काळातील सण व पावसाळ्याचे दिवस असल्याने दुध व दुग्धजन्य पदार्थ यांची शुध्दता तपासणी करणे व इतर अपायकारक पदार्थाची भेसळ होणार नाही याबाबत दक्षता घेणे व वेळोवेळी जिल्ह्यातील सर्व अस्थापनांची तपासणी करुन भेसळ केल्याचे आढळून आल्यास अन्न सुरक्षा व मानदे कायदा-२००६ अंतर्गत कलम २६ (२), कलम ५२ व ५९ नुसार दंडात्मक कार्यवाही करण्याबाबत समिती अध्यक्ष तथा अपर जिल्हाधिकारी डॉ.प्रताप काळे यांनी समिती सदस्यांना सुचना दिल्या.बनावट पनीर उत्पादन/विक्री करण्यास प्रतिबंध असुन नागरीकांना स्वच्छ, निर्भेळ व गुणवत्तापुर्वक दुध दुग्धजन्य पदार्थ मिळण्याच्या दृष्टीकोणातुन जिल्हास्तरीय गठीत समितीमार्फत दुध व दुग्धजन्य पदार्थामध्ये भेसळ करणा-या दुध व दुधजन्य पदार्थ उत्पादक, संकलन केंद्रावर व वितरकावर नियंत्रण ठेवण्यासाठी जिल्ह्यामध्ये दि. १ ते १५ ऑगस्ट या कालावधीत तपासणी धडक मोहीम राबविण्यात येणार आहे.तरी जिल्हास्तरीय गठीत समितीने दुध व दुग्धजन्य पदार्थामध्ये भेसळ होत असल्याचे आढळुन आल्यास टोल फ्री क्रमांक 9923689168, 9049518711 यावर जिल्हास्तरीय समितीच्या निदर्शनास आणुन देण्याचे आवाहन जिल्हा दुग्धव्यवसाय विकास अधिकारी तथा सदस्य सचिव यांनी प्रसिद्धीपत्रकाद्वारे केले आहे.
–––-*