मौजे गुळखंड शिवारात पुरात अडकलेले दोघे शेतकरी सुखरूप बाहेर

परभणी, दि. 27 (प्रतिनिधी):
पालम तालुक्यातील मौजे गुळखंड शिवारात शनिवारी झालेल्या पुरामुळे शेतामध्ये अडकलेल्या दोन शेतकऱ्यांना बचाव पथकाने स्थानिक ग्रामस्थांच्या मदतीने सुखरूप बाहेर काढले.

अडकलेल्यांची नावे मारोती विठ्ठल बगाडे व जगन्नाथ भगवान बगाडे अशी आहेत. ते शेतात काम करत असताना अचानक आलेल्या पुराच्या पाण्यामुळे अडकले होते. माहिती मिळताच प्रशासनाचे बचाव पथक घटनास्थळी दाखल झाले व ग्रामस्थांच्या मदतीने शर्थीचे प्रयत्न करून दोघांना सुरक्षित स्थळी आणण्यात आले.

याबाबतची माहिती उपविभागीय अधिकारी जीवराज डापकर यांनी दिली. सुदैवाने या घटनेत कोणतीही जीवितहानी झाली नाही.