सेवाधर्म: राष्ट्रवादीची प्रोटीन बँक करतेय प्रोटीनयुक्त साहित्याचा घरपोच पुरवठा !
सेवाधर्म: राष्ट्रवादीची प्रोटीन बँक करतेय प्रोटीनयुक्त साहित्याचा घरपोच पुरवठा !
गरजु रुग्णांना मिळतायत घरपोच अंडी व मटकी
परळी वैजनाथ, प्रतिनिधी…
ना.धनंजय मुंडे यांच्या मार्गदर्शनाखाली राबविण्यात येत असलेल्या सेवाधर्म :सारे काही समष्टीसाठी उपक्रमांतर्गत सर्वांना अतिशय उपयुक्त ठरणारे सर्व स्तरीय व सर्वव्यापी उपक्रम राबविण्यात येत आहेत.या उपक्रमांतर्गत कोरोनाबाधित व कोरोनामुक्त रुग्णांसाठी प्रोटीन बँक सुरू करण्यात आली आहे.या माध्यमातून राष्ट्रवादीची प्रोटीन बँक प्रोटीनयुक्त साहित्याचा घरपोच पुरवठा करतेय.याचा गरजु रुग्णांना मोठ्या प्रमाणावर लाभ होत आहे.
राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री ना.धनंजय मुंडे यांच्या माध्यमातून व गटनेते वाल्मिकअण्णा कराड यांच्या मार्गदर्शनाखाली राष्ट्रवादी काँग्रेस पार्टीच्या वतीने सेवाधर्म या उपक्रमात विविध सेवाकार्य सुरू आहेत.यामध्ये नागरीक व रुग्णांची गरज लक्षात घेऊन सर्वांना अतिशय उपयुक्त ठरणारे सेवाकार्य सुरू आहे. सध्या कोविड १९ ने वातावरण व्यापुन टाकले आहे.या परिस्थितीत रुग्णांना प्रोटीन युक्त आहार घ्यावा असे डॉक्टर निर्देशित करतात.परंतु सर्वच रुग्ण याप्रमाणे आहार घेऊ शकतील असे नाही.अडचणीत असणारे व गरजु रुग्णांना प्रोटीन युक्त आहार उपलब्ध व्हावा यासाठी कोरोनाबाधित व कोरोनामुक्त रुग्णांसाठी प्रोटीन बँक सुरू करण्यात आलेली आहे.सेवाधर्म टीम आता कोरोना बाधित व कोरोनामुक्त रुग्णाना देणार घरपोच उकडलेली अंडी व स्वादिष्ट मटकी पुरवठा करत आहेत.राष्ट्रवादी काँग्रेसचे शहराध्यक्ष बाजीराव भैय्या धर्माधिकारी, शहर सरचिटणीस अनंत इंगळे, प्रोजेक्ट मॅनेजर शेख मुख्तार, शरद कावरे, धनंजय शिंदे, शेख शारेख , रवी सोरडगे आदी परिश्रम घेत आहेत.