घरासमोरील ह्युंदाई कार चोरट्यांनी पळवली;घटना सिसीटीव्हीत कैद

पूर्णेतील एकबाल नगरातील घटना ;पोलीसांना चोरट्यांचे आवहान

पूर्णा(प्रतिनिधी)
शहरातील रेल्वे स्थानक परिसर,बाजारपेठेत मागील काही दिवसांपासून ,दुचाकी चोरीच्या घटनांसह अन्य चोरीच्या घटनांमध्येही मोठ्या प्रमाणात वाढ झाल्याचे चित्र आहे. चोरी करण्यासाठी सोकावलेल्या चोरट्यांनी आता आपला मोर्चा चारचाकी वाहनांकडे वळवल्याचे दिसून येत आहे.शहरातील एकबाल नगर भागात बुधवारी १८ रोजी मध्यरात्री चारचाकी वाहनातुन आलेल्या दोन ते तीन चोरट्यांनी चक्क ह्युंदाई कारच चोरुन नेल्याची घटना  घडल्याचे उघडकीस आली आहे.सरदील घटना ही सिसीटीव्ही मध्ये कैद झाली आहे.
    पूर्णा  शहरातील एकबाल नगर भागात राहणारे अब्दुल निसार व अन्सार सर यांचे घर आहे.त्यांनी मागील काही दिवसांपुर्वीच एक ह्युंदाई कंपनीची एम.एच.०२/ईयु/८७५८ ही चारचाकी कार खरेदी केली होती.बुधवार दि.१८ रोजी रात्री आपली कार आपल्या  घरासमोर पार्क करून ते जेवण खाऊन करुन झोपी गेले असता मध्यरात्री पावणे एक वाजेच्या सुमारास त्यांच्या घरासमोर रस्त्यावर लावलेली त्यांची ह्युंदाई कंपनीची कार एका पांढ-या रंगाच्या चारमधुन आलेल्या दोन ते तीन चोरट्यांनी अत्यंत शिताफीने कारचे लाॅकतोडून पळवून नेली आहे.
    दरम्यान ही घटना घडल्याचे त्यांना सकाळी झोपेतून उठल्यानंतर लक्षात आली.घरासमोर कार दिसत नसल्याने त्यांनी कारची गुरुवारी दिवसभर शोधाशोध केली. शेजा-याडे असलेल्या सिसीटीव्ही मध्ये सदरील घटना घडल्याचे चित्रीकरणही झाले आहे.त्यांनी या प्रकरणी पूर्णा पोलीसांना त्यांनी खबर दिली आहे.परंतु वृत्त लिही पर्यंत सदरील कार चोरी प्रकरणी पोलिस ठाण्यात कोणताही गुन्ह्याची नोंद नसल्याचे समजते.शहरात दुचाकी चोरी पाठोपाठ आता चारचाकी वाहनांची चोरी होत असल्याने वाहनमालकात खळबळ उडाली असून पोलीसांनी शहरात रात्र गस्त वाढवावी अशी मागणी जोर धरू लागली आहे.