परळी वैजनाथ मार्गे काचीगुडा-नगरसोल-काचिगुडा विशेष रेल्वेच्या ८ फेर्या
परळी,ता.१७(प्रतिनिधी)
दक्षिण मध्य रेल्वेने परळी (वैजनाथ), परभणी, छत्रपती संभाजीनगर मार्गावर धावणाऱ्या रेल्वे गाड्यांना होणारी प्रवाशांची वाढती गर्दी लक्षात घेता, काचीगुडा-नगरसोल-काचीगुडा दरम्यान आठ विशेष फेर्या चालवण्याचा निर्णय घेतला आहे. या विशेष गाड्या ऑगस्ट महिन्यात दर गुरुवार आणि शुक्रवार उपलब्ध असणार आहेत.
गाडी क्रमांक (०७०५५/५६) काचीगुडा-नगरसोल-काचिगुडा ही विशेष गाडी ता.७,१४,२१आणि २८ऑगस्ट(दर गुरुवारी) दुपारी ३;४५ वाजता काचीगुडा येथून सुटेल तर नगरसोल येथून सायं ५;३० वाजण्याच्या सुमारास(दर शुक्रवारी) ता.८,१५,२२ आणी २९ रोजी सुटेल. सदरील गाडीचा मार्ग हा सिकंदराबाद, बेगमपेट, लिंगमपली,शंकरपल्ली, विकाराबाद,झहीराबाद,बिदर, भालकी,उदगीर,लातूर रोड,परळी(वैजनाथ), परभणी, जालना,औरंगाबाद,रोटेगाव मार्गे असणार आहे.या विशेष गाड्यांमध्ये ३ वातानुकूलित डब्यांसह शयनयान स्लीपर आणि सामान्य द्वितीय श्रेणीचे डबे असतील. प्रवाशांनी या गाड्यांचा लाभ घ्यावा, असे आवाहन दक्षिण मध्य रेल्वेच्या नांदेड येथील जनसंपर्क अधिकारी राजेश शिंदे यांनी केले आहे.