तिरुपतीकडे धावणाऱ्या विशेष गाड्यांना मुदतवाढ

परभणी(प्रतिनिधी) :

उन्हाळा सुट्टी दरम्यान होणारी प्रवाशांची गर्दी लक्षात घेवून दक्षिण मध्य रेल्वे चालवीत असलेल्या विशेष गाड्यांना मुदत वाढ देण्याचा निर्णय घेण्यात आला आहे.

त्यानुसार गाडी संख्या 07605 तिरुपती-अकोला या गाडीला शुक्रवार 4 एप्रिल ते 27 जून पर्यंत, गाडी संख्या 07606 अकोला-तिरुपती या गाडीला रविवार 6 एप्रिल ते 29 जून पर्यंत, गाडी संख्या 07609 पूर्णा-तिरुपती या गाडीला सोमवार 7 एप्रिल ते 30 जून पर्यंत तर गाडी संख्या 07610 तिरुपती-पूर्णा या गाडीला मंगळवार 8 एप्रिल ते 01 जूलै पर्यंत मुदतवाढ देण्यात आली आहे. या सर्व गाड्या पूर्वीच्याच वेळापत्रकाप्रमाणे धावतील, अशी माहिती दक्षिण मध्य रेल्वेच्या नांदेड येथील जनसंपर्क विभागाने दिली.