दिवाळी व छट सण स्पेशल तिरुपती, छपरा करीता रेल्वेच्या ४६ फे-या

दमरेच्या जालना-छपरा-जालना,तिरुपती-हिसार-तिरुपती एक्सप्रेस गाड्या चालवण्याची घोषणा

पुर्णा ता.२२(प्रतिनिधी)SC Railway Anaunced Special Trainद.म.रेच्या विभागातुन दसरा,दिवाळी आणि छट सणानिमित्त बिहार तसेच हरियाणा, आंध्र प्रदेश राज्यात जाणा-या प्रवाशांची रेल्वे गाड्यांना प्रवाशांची होणारी गर्दी लक्षात घेवून दक्षिण मध्य रेल्वेच्या वतीने (जालना-छपरा-जालना) विशेष २८ फे-या आणि (तिरुपती-हिसार-तिरुपती) विशेष गाडी १८ फे-या अश्या एकुण ४६ फे-या चालविण्याचे प्रशासनाने ठरविले आहे.या गाड्या २७ऑगस्ट ते ३० नोव्हेंबर दरम्यान धावणार असल्याची माहिती आहे.

नांदेड रेल्वे विभागाच्या जनसंपर्क अधिकारी राजेश शिंदे यांनी सदरील गाड्यांबाबत दिलेल्या सविस्तर माहिती नुसार जालना-छपरा विशेष गाडी क्र.(०७६५१) २७ ऑगस्ट ते २६ नोहेंबर २०२५ दरम्यान दर बुधवारी जालना रेल्वे स्थानकावरून रात्रौ ९;३५ वा.सुटुन मनमाड, भुसावळ, खंडवा, इटारसी, नरसिंगपूर,जबलपूर, कटनी, माणिकपूर, प्रयागराज,बनारस, वाराणसी,सहतवार मार्गे छपरा येथे तिसऱ्या दिवशी स.५;३० 05.30 वाजता पोहोचेल.परतीच्या प्रवासात त्याच मार्गाने हि गाडी क्र.(०७६५२) ता.२९ ऑगस्ट २८ नोहेंबर दरम्यान दर शुक्रवारी छपरा रेल्वे स्थानकावरून रात्री १०;१५ वाजता सुटेल आणि जालना येथे तिसऱ्या दिवशी स.४ वाजता पोहोचेल.या गाडीत २४ डब्बे असणार आहेत.

तिरुपती-हिसार-तिरुपती ही विशेष गाडी ०७७१७/१८ तिरुपती स्थानकावरुन ता.१ ऑक्टोबर ते२६ नोहेंबर दरम्यान दर बुधवारी तिरुपती रेल्वे स्थानकावरून रात्रौ११;४५ वाजता सुटून रेनुगुंटा, गुंटकल, ढोण, काचीगुडा, निझामाबाद, ,नांदेड, पूर्णा, हिंगोली, वाशिम, अकोला, मार्गाने हिसार येथे चौथ्या दिवशी दुपारी २:०५ वाजता तर परतीच्या प्रवासात ही गाडी ५ ऑक्टोबर ते ३०नोहेंबर दरम्यान दर रविवारी हिसार रेल्वे स्थानकावरून रात्री ११:१५ वाजता सुटेल तिरुपती येथे चौथ्या दिवशी सकाळी ११;३० वाजता पोहोचेल या गाडीस २२ डब्बे असणार आहेत त्यामुळे सणासुदीच्या काळात या विशेष रेल्वे गाड्यांचा लाभ घ्यावा असे आवाहन नांदेड रेल्वे विभागाच्या वतीने करण्यात आले आहे.