“परभणीत पुन्हा भगवा फडकवू”-माजी मुख्यमंत्री उद्धव ठाकरे

पक्षफुटीनंतर उबाठाचा मेळावा; सत्ताधाऱ्यांवर सडकून टीका

परभणी, ता. २८ (प्रतिनिधी)* :

“शेतकरी संकटात असताना गद्दार सत्तेच्या सुखात आहेत,” असा आरोप केला. तसेच “अंतर्गत गटबाजी भाजपमध्ये असून शिवसेनेत नाही,” असेही त्यांनी म्हटले. हिंदुत्व, राम मंदिर, शेतकरी प्रश्न आणि गद्दारांविरोधातील भूमिका यावरून त्यांनी भाजपवर सडकून टीका केली. सर्वकाही देऊनही काहीजण लालसेपोटी पक्ष सोडून गेले परंतु माझा शिवसैनिक कोठेही गेला नाही.याच शिवसैनिकांच्या ताकदीवर “परभणीत पुन्हा भगवा फडकवू”.असा निर्धार शिवसेना पक्षप्रमुख उद्धव ठाकरे यांनी परभणीत बोलताना केला.

शिवसेना (उबाठा) पक्षप्रमुख तथा माजी मुख्यमंत्री उद्धव ठाकरे यांच्या उपस्थितीत रविवारी परभणीतील अक्षदा मंगल कार्यालय येथे निष्ठावंतांचा मेळावा उत्साहात पार पडला. शिवसेना उबाठात उभी फुटपाडुन ६ खासदारांनी शिंदे गटात प्रवेश केल्यानंतर मराठवाड्यात पक्ष संघटना मजबूत करण्याच्या पार्श्वभूमीवर परभणीत प्रथमच हा मेळावा आयोजित करण्यात आला होता.ठाकरे यांनी आपल्या भाषणात सत्ताधारी भाजप व शिंदे गटावर निशाणा साधत सडकून टीका केली.

मेळाव्याला खासदार संजय राऊत, युवासेनाप्रमुख आमदार आदित्य ठाकरे, माजी खासदार विनायक राऊत, खासदार अनिल देसाई, अंबादास दानवे, चंद्रकांत खैरे यांच्यासह शिवसेनेचे अनेक पदाधिकारी व कार्यकर्ते उपस्थित होते. यावेळी यसवाडी (ता. मानवत) येथील मंदिर दुर्घटनेतील मृतांना श्रद्धांजली अर्पण करण्यात आली.

आमदार राहुल पाटील यांनी आपल्या भाषणात “गद्दारांना पक्षातून जाऊ द्या, परभणीत पुन्हा भगवा फडकवू,” असे सांगत शिंदे गटावर टीका केली. तसेच प्रहार जनशक्ती पक्षाचे माजी जिल्हाध्यक्ष शिवलिंग बोधने यांच्यासह काही पदाधिकाऱ्यांनी शिवसेना (उबाठा) मध्ये प्रवेश केला.खासदार संजय राऊत यांनी आपल्या भाषणात शिंदे गट व भाजपवर जोरदार हल्लाबोल करत “हे ऑपरेशन टायगर नसून ऑपरेशन तुडवा आहे,” अशी टीका केली. त्यांनी परभणीतील कार्यकर्त्यांच्या उत्साहाचेही कौतुक केले.कार्यक्रमाची सांगता राष्ट्रगीताने झाली. त्यानंतर उद्धव ठाकरे व इतर पदाधिकारी पुढील दौऱ्यासाठी रवाना झाले.
वृत्तपत्र शैलीत कात्रण बातमी बनवून द्या